Panagtalek ken ni Yahweh

1 Agtalekak iti panangsalaknib itiApo.

Ngem apay a kunayo,

“Tumayabka a kas billit kadagiti bambantay,

2 ta isagana dagiti nadangkes ti panada

tapno iti nalemmeng a yanda

panaenda dagiti nalinteg a tattao.

3 No marba dagiti pamuon,

ania ti aramidento dagiti nalinteg?”

4 Adda tiApoiti nasantoan a templona;

adda idiay langit ti tronona.

Sipsiputanna dagiti tattao iti amin a lugar

ket ammona no ania dagiti ar-aramidda.

5 Dagiti naimbag ken dakes a tattao,

agpapadada nga usigen tiApo;

dagiti saan nga agtulnog iti linteg,

guraenna iti amin a pusona.

6 Kadagiti managdakdakes, dumardarang a beggang

ken sumsumged nga asufre ti idissuorna;

makasinit nga angin ti pangdusana kadakuada.

7 Nalinteg tiApo.

Dagiti naimbag nga aramid ayatenna;

agbiagto iti imatangna dagiti agtulnog kenkuana.