Pagdaydayaw iti Kinaimbag ti Dios

1 No saan a ni Yahweh ti mangbangon iti balay,

awan serserbi ti bannog dagiti mangpatakder.

No saan a ni Yahweh ti mangsalaknib iti siudad,

awan serserbi ti panagwanawan dagiti guardia.

2 Awan serserbi ti panagagawa iti panagbiag,

ti nasapa nga ibabangon ken naladaw a pannaturog,

ta ited ni Yahweh ti kasapulan dagiti ay-ayatenna

bayat ti pannaturogda.

3 Dagiti annak sagut ni Yahweh ida,

bunga ken gunggona ti maysa nga ina.

4 Dagiti lallaki nga annak ti agkabannuag a lalaki

kasda la pana iti ima ti mannakigubat.

5 Nagasat ti tao nga adu ti panana a kakasta;

ni kaanoman dinto maparmek inton sangoenna

iti pangukoman dagiti kabusorna.